Верш Сяргея Карыцькі Палеская зямля

Верш-прысвячэнне роднай вёсцы, напісаны выхадцам з Калоднага Сяргеем Карыцькам.

Ёсць у Палессі…

Ёсць у Палессі вёска незвычайная,

Што лашчыць беларускай мовай слых,

Навокал дыялекты разнастайныя –

І гэта пацяшала нас, малых.

Мінулае тут з марамі сустрэлася,

Яго я адкрываю кожны год…

Прапрадзед быў паплечнікам Міцкевіча,

Са Шчорсаў пачынаўся радавод.

І беларускасць тут здаўна нязводная,

Дайшла да нашай вёскі праз вякі…

Люблю, як маці, роднае Калоднае,

Заўсёды сэрцам з вамі, землякі!