Практикалық тапсырмалар



АНЫҚТАМА



Анықтама - белгілі бір деректі дәлелдейтін, растайтын, сипаттайтын кұжат. Ол көп жағдайда жеке адамға байланысты нақты ақпаратты растау үшін беріледі. Мысалы, тегі, туған күні, туған жері, қызмет орны, жалақысы, еңбек өтілі, отбасы жағдайы, оқу орны және тағы басқалар туралы мәліметтер. Берілетін анықтамалар нөмірленеді, егер бірнеше дана берілсе, ол да көрсетіледі. Мысалы: 124/2

Анықтама мазмұны қысқа болады. Ең алдымен жолдың ортасынан "Анықтама" деген сөз, сосын азат жолдан анықтама мәтіні жазылады.Онда анықтама кімге, не үшін берілгені және қай мекемеге берілгені көрсетіледі. Соңында анықтаманы беруші мекеме басшыларының қолы қойылып, мекеме мөрі басылады және жарамдылық мерзімі жазылады.



1-тапсырма. Сұрақтарға жауап беріңіз.

1. Анықтама не үшін беріледі?

2. Онын құрылымы қандай болады?



2-тапсырма. Сөз тіркестерін аударыңыз.

Деректі растау, жеке адамға байланысты, ақпаратты растау, бірнеше дана, анықтама нөмірленеді, анықтама мазмұны, анықтама мәтіні, кімге берілгені, мекеме басшылары, мекеме мөрі, не үшін берілгені, мөр басылады, жарамдылық мерзімі.



3-тапсырма. Сөйлемдерді аударыңыз.

1. Арман Бақытұлының 3 курста оқитыны расталды.

2. Бүгін 150 анықтама берілді.

3. Келісімшарт нотариалдық кеңседе куәландырылды.

4. Оның әкімшілікте жұмыс істейтіні анықталды.

5. Қызметкерлердің өтініші қаралды.



4-тапсырма. Анықтама үлгілерімен танысыңыз

Анықтама № 34/1

2 мамыр 2006 ж.

Осы анықтама студент Ахатова Назымға берілді.

Ахатова Назым шын мәнінде Абылайхан атындағы Қазақ халықаралық қатынастар және әлем тілдері университетінде, халықаралық қатынастар факультетінің 4 курсында оқиды.

Анықтама ұлттық кітапханаға тапсыру үшін берілді.

Анықтама 10 күн өз күшінде.



Мөр орны

Оқу бөлімінің бастығы Ж.Сабырова



5-тапсырма. Сұрақтарға жауап беріңіз.

1. Анықтамалар кімге берілген?

2. Не үшін берілген?

3. Қайда тапсыру үшін берілген?

6. Анықтама кімнің атынан берілген?



6-тапсырма. Сөз тіркестерін аударыңыз.

Шын мәнінде, салық инспекциясы, әлеуметтік қамсыздандыру бөлімі, 15-пәтердің тұрғыны, тапсыру үшін, оқу бөлімі, тұрғын үй, кадр бөлімі, анықтама әкелу, өз күшінде.



7-тапсырма. Қатесін түзетіңіз.

Анықтама

Осы анықтама жолдас Жақыпов Жандос берілді. Жақыпов Жандос шын мәнінде Заң академиясының 3 курс оқиды. Анықтама Ғылым Академиясы берілді.

Оқу бөлімі бастығы А. Назарова



8-тапсырма. Жағдаяттар бойынша анықтама жазыңыз.

1. Анықтама Сапар Жолдасбекұлының мекенжайын растау

үшін әскери комиссариатқа керек.

2. Мекенжайы: Семей қ., Пушкин к-сі, 45-үй,12-пәтер.

3. Анықтама ұлттық кітапханаға Бақытова Айнұрдың әл-Фа-

раби атындағы ҚазҰУ-дың заң факультетінде (3-курс)

оқитынын растау үшін керек.

1 тапсырма1.анықтама көп жағдайда жеке адамға байланысты нақты акпаратты растау үшін беріледі.2.онын курылымы тегі, туған күні, туған жері,кызмет орны, жалақысы, еңбек өтілі,отбасы жағдайы,оқу орны және тағы басқалар болады.2тапсырмадокументальная проверка,в зависимости от индивудуального,подтверждение информации,несколько штук,ссылочный номер пронумерован