сочинение на тему праздники Казахстана

Қазақстандағы мерекелер.

Дана халқымыз “көпшіліктен береке кетпес,берекелі жерден мереке кетпес” деп кеткендей,ұлан байтақ қазақ жерінде қонақжай қазақ халқымен атап өтілетін мерекелер көп-ақ.Жалпы қазақ еліндегі мерекелер мемлекеттік және кәсіби мейрамдар деп бөлінеді десек те болады.

Мемлекеттік мерекелерге:Жаңа жыл,Халықаралық әйелдер күні,әз Наурыз,Қазақстан халқының бірлігі күні,Жеңіс күні,Тәуелсіздік күні,Астана күнін және т.б жатқызамыз.Қаңтардың 1-2-сі атап өтілетін Жаңа жыл – мемлекеттік мейрам.Бұл мереке – әлемдегі ғажайыпқа толы мерекелердің бірі.Оны бесіктегі баладан еңкейген қартқа дейін асыға күтеді.8 наурыз – Тарихта әйелдердің теңқұқықтық пен эмансипация жолындағы күресіндегі ынтымақтастық күні ретінде пайда болды.Күні бүгінге дейін бұл күні нәзік жандыларға айрықша құрмет көрсетіледі.Наурыздың 22-сі – қазақ халқында көне заманнан бері тойланып келе жатқан Ұлыстың Ұлы күні,Наурыз мейрамы. «Наурыз» сөзі парсының «ноу» - жаңа, «руз» - күн деген сөздерінен қалыптасып,жылдың бірінші күнін білдірген.Бұл мерекеде барлық өкпелер ұмытылып,оның орнына бар адамның жүзінде күлкі ойнап,қазанда наурызкөже мен бауырсақ пісіріледі.1 мамыр – Қазақстан Халқының Бірлігі күні.Қазақ жеріндегі 130-дан астам ұлт өкілдері тұратындықтан,бұл мереке де дәстүрлі мерекеге айналып кетті.Ал 9 мамыр күні елімізде Жеңіс күні атап өтіледі.1941-45 жылдар аралығында біздің болашағымыз үшін құрбан болған миллиондаған адамдарды еске түсіру үшін, әрбір қазақстандық бұл мерекені Отанға деген сүйіспеншілігінің нышаны ретінде атап өтеді.16 желтоқсан – Тәуелсіздік күні.Әрине,бұл күн де қазақ еліның тарихынан ойып тұрып орын алады.Сан мың ғасырлық тарихымызда қан мен тер төгіп алған бұл мереке – қазақ халқы үшін ерекше.

Ал кәсіби мерекелерге:Отан қорғаушы күні, Мемлекеттік рәміздер күні,саяси қуғын-сүргін құрбандарын еске алу күні, медицина қызметкері күні, полиция күні және т.б. жатады.