Сочинение школьные кружки

Ответ:

Мектеп үйірмелері.

«Білім кілті – мектепте» демекші, мектеп – біздің екінші үйіміз. Менің есімде алғаш ұстазымның үнемі айтып отыратын сөздері қалыпты: «Тарыдай болып кіресің, таудай болып шығасың» деп мектеп жайлы өте орынды айтылған деп ойлаймын. Мектеп – бізді есейіп, ер жеткенше білім нәрімен сусындататын білім ордасы, үлкен ғалым – академиктер, саясаткерлер, қаржыгерлер, табысты кәсіпкерлер және де тағы басқа мамандық иелерінің барлығы мектеп қабырғасында білім алып, оны ары қарай шыңдай білген.

Мектепте оқушылар уақытының біраз бөлігін өткізеді. Біздің мектебімізде оқушылар тек сабақ қана оқып қоймай, сонымен қатар қосымша үйірмелерге де қатыса алады. Бұл мектебімізге күрделі жөндеу жұмыстары жүргізіліп, кеңейтілгеннен кейін мүмкін болып отыр. Айта кететін бір жайт - мектеп оқушылары үшін барлық үйірмелер тегін. Мектебімізде би, домбыра, қызықты математика, воллейбол, футбол, ән айту секілді үйірмелер бар. Мен екі айдан бері домбыра үйірмесіне қатысып жүрмін. Өзіме қатты ұнайды, әрі ыңғайлы. Сабақтан соң бірден үйірмеге барып, сосын үйге қайтамын. Жақында бірінші концертіміз болады, соған қызу дайындалып жүрміз. Бірінші конйерт болғаннан кейін сәл қобалжып та жүрмін.