Ө.Тұрманжановтың «Сіз», «біз» деген жылы сөз»өлеңін жатқа айтыңыз.

«Сіз», «біз» деген жылы сөз

Ө. Тұрманжанов

«Сіз», «біз» деген жылы сөз-

Жылытады жүректі

Жақсылық билеп жанды тез

Оятады игі тілекті.

Біреуге біреу жақсылық,

Тілесе әр кез жаны ашып,

Осы бір шырын-тәттілік,

Тұрмай ма жанға жарасып?!

Баршаға керек жақсылық!

Жақсылық сүйер жанымыз,

Баршаға жетер жақсылық!

Қызғанбай бөліп алыңыз!

«Сіз», «біз» деген жылы сөз-

Жақсылықтың мейірі.

Бір-біріне болып көз,

Кең болсын адам пейілі!